Բարձրագույն կրթություն չունեցող ուսուցիչների համար աջակցության ծրագրեր են ձևավորվել. Անդրեասյան
![Բարձրագույն կրթություն չունեցող ուսուցիչների համար աջակցության ծրագրեր են ձևավորվել. Անդրեասյան](https://freenews.am/uploads/images/image_750x_65c79a4687a8c.jpg)
Բարձրագույն կրթություն չունեցող ուսուցիչների հետ մի քանի անգամ հանդիպում-քննարկումներից հետո աջակցության ծրագրեր են ձևավորվել:
ՀՀ ԿԳՄՍ նախարար Ժաննա Անդրեասյանըներկայացրել է դրանք:
Բարձրագույն կրթություն չունեցող այն ուսուցիչները, որ կուզենան կրթություն ստանալ կամ այն շարունակել բուհերում, ուսման վարձի վճարման պետական աջակցություն կարող են ստանալ․ այս որոշման նախագիծը տրված է հանրային քննարկման հարթակում և շրջանառվում է:
Բարձրագույն կրթություն չունեցող այն ուսուցիչները, որ կուզենան մասնակցել աշնանը նախատեսված կամավոր ատեստավորման գործընթացին, կկարողանան ատեստավորումից առաջ մասնակցել պետության կողմից ֆինանսավորվող վերապատրաստմանը․ այս որոշման նախագիծը տրված է հանրային քննարկման հարթակում և շրջանառվում է:
Այն ուսուցիչները, որոնք ցանկանում են ավելի արագ մեկ անգամ ևս ատեստավորվել և հաջող արդյունքի դեպքում շարունակել ուսուցչի աշխատանքը, արդեն վաղվանից մինչև փետրվարի 21-ը կկարողանան հայտ ներկայացնել և մասնակցել այդ նպատակով մարտին կազմակերպվելիք ատեստավորմանը։
Հայտը պետք է ներկայացնել escs.am հղումով:
«Հաջողություն եմ մաղթում ատեստավորմանը մասնակցել պատրաստվողներին»,- գրել է նախարարը։
Կարծիքներ