Հանրապետության հրապարակում արտակարգ դեպքեր և պատահարներ չեն գրանցվել
Դեկտեմբերի 14-ին Հանրապետության հրապարակում գլխավոր տոնածառի լույսերի վառման տոնական միջոցառման ընթացքում ՆԳՆ ոստիկանությունն ապահովել է հասարակական կարգն ու քաղաքացիների անվտանգությունը։
Այդ մասին հայտնում է ՆԳՆ ոստիկանությունը:
Միջոցառման ընթացքում արտակարգ դեպքեր կամ պատահարներ չեն գրանցվել։
Միևնույն ժամանակ արձանագրվել են երեխաների և ծնողների ժամանակավորապես միմյանցից առանձնացման մի քանի տասնյակ դեպքեր։
«Ոստիկանության արագ և համակարգված գործողությունների շնորհիվ բոլոր նման դեպքերում երեխաները հայտնաբերվել և վերադարձվել են իրենց ծնողներին։
Բացի այդ՝ միջոցառման ընթացքում հայտնաբերվել են պայուսակներ և այլ անձնական իրեր, որոնք ներկայումս գտնվում են Համայնքային ոստիկանության Կենտրոնական բաժնում։
Բոլոր այն քաղաքացիները, որոնք կորցրել են իրեր, կարող են մոտենալ Համայնքային ոստիկանության Կենտրոնական բաժին»,- ասվում է ոստիկանության հաղորդագրության մեջ:
Կարծիքներ