Արեգակի ամսական ժայթքումը ավելի հզոր բռնկումների մասին է ազդարարում, հայտարարել են գիտնականները

Գիտնականները հայտնել են, որ անցած ամսվա ընթացքում Արեգակի վրա ամեն օր պլազմայի հզոր ժայթքումներ են գրանցվել, ինչը բնորոշ չէ աստղին։ Հաղորդվում է, որ երեքշաբթի, փետրվարի 15-ին, տեղի է ունեցել ամենախոշոր բռնկումներից մեկը, որը վերաբերում է ամենահզոր X-կատեգորիային։ Գիտնականների կարծիքով՝ անցած ժայթքումները կարող են վկայել ոչ պակաս ուժեղ ամպլիտուդով ապագա բռնկումների մասին, գրում է Planet Today-ը։

Մասնագետները նկատել են, որ խոշոր ժայթքումը տեղի է ունեցել աստղի հակառակ կողմում, ինչը չի ազդել Երկրի վրա: Հակառակ դեպքում ամբողջ մոլորակի վրա կարող էին ինտերնետի, կապի եւ էլեկտրամատակարարման ընդհատումներ լինել:

Սակայն դա թույլ չի տալիս գիտնականներին հանգստանալ։ Բանն այն է, որ վերջին հինգ տարիների ընթացքում նկատվել է Արեգակի ակտիվության աճ, որը թեւակոխել է նոր փուլ։ Հաստատվում է, որ իրադարձությունների այս ընթացքը նորմալ է, քանի որ աստղը գտնվում է ակտիվության աճի փուլում։ Երեք տարի անց այն կփոխվի մարման փուլի, ինչը կնվազեցնի էլեկտրամագնիսական փոթորիկները:

Ըստ գիտնականների՝ վերջին մեկ ամսվա ընթացքում բռնկումները օրական մեկ անգամ են եղել: Պատահել է, որ ժայթքումները օրական մի քանի անգամ էլ են տեղի ունեցել։ Հետազոտողները զգուշացնում են արեգակնային բռնկումների հետեւանքների մասին։ Բռնկումները ազդել են նաեւ Իլոն Մասկի երկրային Starlink արբանյակների վրա: Ըստ գիտնականների՝ հենց Արեգակի ժայթքումներն են շարքից հանել 40 արբանյակներ։