Նոան երեք անպատասխան գնդակ է ուղարկել Վանի դարպասը
VBET Հայաստանի Պրեմիեր Լիգայի 16-րդ տուրում «Նոան» սեփական հարկի տակ երեք անպատասխան գնդակ ուղարկեց «Վանի» դարպասը։
Հանդիպման երրորդ րոպեին հաշիվը բացեց Չարլզ Մարկ Իկեչուկվուն։ 33-րդ րոպեին Պետրոս Ավետիսյանը կրկնապատկեց «Նոայի» առավելությունը։ 77-րդ րոպեին փոխարինման մտած Յարոսլավ Մատվիենկոն երրորդ գնդակն ուղարկեց «Վանի» դարպասը՝ ձևակերպելով վերջնական հաշիվը։
Այս հաղթանակից հետո «Նոան» վաստակեց 21 միավոր և զբաղեցնում է մրցաշարային աղյուսակի չորրորդ հորիզոնականը։ «Վանը» մնաց ութ միավորով և մրցաշարային աղյուսակում 8-րդն է։
Կարծիքներ