Մասկը ամենահարուստ մարդն է դարձել Forbes-ի հաշվարկների ողջ պատմության ընթացքում

Իլոն Մասկի կարողությունը Tesla-ի բաժնետոմսերի արժեքի աճի ֆոնին երկուշաբթի հասել է 270 մլրդ դոլարի, այդ կերպ նա Forbes-ի հաշվարկների ողջ պատմության ընթացքում դարձել է ամենահարուստ մարդը, հայտնում է հրատարակությունը:

Երկուշաբթի Tesla-ի բաժնետոմսերը թանկացել են գրեթե 13 տոկոսով՝ Hertz-ի հետ 100 հազար էլեկտրամոբիլների մատակարարման շուրջ գործարքի մասին լուրերի ֆոնին: Այդ ժամանակ էլ Tesla-ի կապիտալիզացիան հասել և գերազանցել է 1 տրիլիոն դոլարը։

Այսպիսով, Forbes-ի հաշվարկներով, Tesla-ի ղեկավարի կարողությունը երկուշաբթի սակարկությունների փակման արդյունքներով կազմել է 271,3 մլրդ դոլար՝ ուրբաթ օրվանից ավելանալով 41,7 մլրդ-ով: Իսկ Forbes Real-Time-ի տվյալներով ՝ այժմ Մասկի հարստությունը կազմում է 257,6 մլրդ դոլար։

Ինչպես նշում է հրատարակությունը, սա ամենաբարձր ցուցանիշն Է 1982 թվականին Forbes-ի հաշվարկների սկսվելուց ի վեր: Մինչ այդ պատմության մեջ ամենահարուստ մարդը համարվում էր Amazon-ի հիմնադիր Ջեֆ Բեզոսը, երբ նրա հարստությունը հասավ 212 միլիարդ դոլարի նշագծին: