Ո՞վ է ԿԳՄՍ նոր նախարարը. նրա կենսագրությունը

Ինչպես տեղեկացրել էինք, նախագահի հրամանագրով Արայիկ Հարությունյանը ազատվել է ԿԳՄՍ նախարարի պաշտոնից, և նրա փոխարեն նշանակվել է Վահրամ Դումանյանը:

Վահրամ Դումանյանը մինչ այս եղել է ԵՊՀ ինֆորմատիկայի և կիրառական մաթեմատիկայի ֆակուլտետի դեկանը: Ծնվել է 1962 թվականի սեպտեմբերի 9-ին: 1979-1984 թթ․-ին սովորել է ԵՊՀ-ում, 1984-1990 թթ․-ին Մոսկվայի ԽՍՀՄ ԳԱ Վ. Ա. Ստեկլովի անվան Մաթեմատիկական ինստիտուտում: Ֆիզմաթ գիտությունների դոկտոր է:

Աշխատել է ԵՊՀ-ում, Մոսկվայի ԽՍՀՄ ԳԱ Վ. Ա. Ստեկլովի անվան Մաթեմատիկական ինստիտուտում, Լեհաստանի Ս. Բանախի անվան միջազգային մաթեմատիկական կենտրոնում, Գերմանիայի Թրիերի համալսարանում, Գերմանիայի Պադերբորնի համալսարանում: Հայկական մաթեմատիկական ասոցիացիայի անդամ է, մասնագիտական խորհրդի անդամ է: Ստացել է ԵՊՀ և այն ժամանակ ԿԳՆ ոսկե մեդալներ: