Երեք հրթիռ է ընկել Բաղդադի արևմուտքում
Առնվազն երեք հրթիռ է արձակվել կիրակի առավոտյան Բաղդադի ողջ տարածքում: Այս մասին հայտնում է իրաքյան Shafaq News լրատվական պորտալը:
Ըստ աղբյուրի՝ հրթիռներն ընկել են Ալ-Մանսուր շրջանում, որը գտնվում է քաղաքի արեւմտյան մասում։ Բաղդադի անվտանգության վարչության ներկայացուցչի խոսքով՝ հրետակոծության հետևանքով զոհեր և վիրավորներ չկան։ Ալ Մանսուր շրջանում փոքր վնասներ են հասցվել մի քանի մեքենաների և ոչ բնակելի տարածքների։
Անվտանգության վարչության տվյալներով՝ արկեր արձակած ծայրահեղականների թիրախը եղել է Բաղդադի կենտրոնում գտնվող «կանաչ գոտին», որտեղ գտնվում են օտարերկրյա դեսպանատներն ու կառավարական շենքերը։
Կարծիքներ