Մարությանը ընդունել է Օլիմպիական խաղերում մարմնամարզության մեր հավաքականի անդամներին
Քաղաքապետարանում հյուրընկալել եմ Տոկիոյի Օլիմպիական խաղերում Հայաստանի դրոշը բարձր պահած մարմնամարզության մեր հավաքականի ներկայացուցիչներին: Այս մասին տեղեկացնում է Երևանի քաղաքապետ Հայկ Մարությանը։
Սպորտի զարգացման գործում ներդրած նշանակալի ավանդի և ակնառու հաջողությունների համար հուշամեդալով ու պատվոգրերով պարգևատրեցի Խաղերի մեդալակիր Արթուր Դավթյանին, հավաքականի գլխավոր մարզիչ Հակոբ Սերոբյանին և մարզիչ Հայկ Նազարյանին:
Ավելի քան 40 տարվա ընդմիջումից հետո մարմնամարզության մեջ գրանցած այս արդյունքը պատիվ է ոչ միայն մեր երկրի, այլև մայրաքաղաքի համար: Մենք էլ, որպես քաղաքային իշխանություն, պարտավոր ենք բարելավել մեր մարզիկների պայմանները: Այժմ, 2020-ի դադարից հետո, գործնական քայլեր ենք ձեռնարկում՝ նոր մարզադահլիճ ունենալու ուղղությամբ:
Կարծիքներ