Բեռլինը հայտարարել է 11 հազար անօրինական ներգաղթյալի մասին, որոնք 2021 թվականին ժամանել են Բելառուսով
2021 թվականին Բելառուսի և Լեհաստանի տարածքով Գերմանիա է ժամանել ավելի քան 11 հազար անօրինական միգրանտ, սակայն տարեվերջին նրանց թիվը աստիճանաբար նվազել է։ ՏԱՍՍ-ի հաղորդմամբ՝ այս տվյալները հայտնել է դաշնային ոստիկանությունը, որը պատասխանատու է Գերմանիայի պետական սահմանի պաշտպանության համար։
Ընդհանուր առմամբ, իրավապահ մարմինները գրանցել են 11,213 փախստականի, ովքեր Գերմանիա են մտել Բելառուս-լեհական ճանապարհով։ Միաժամանակ նշվում է, որ հատկապես մեծ թվով անօրինական միգրանտներ Լեհաստանի տարածքով ժամանել են Գերմանիայի արեւմտյան Բրանդենբուրգ դաշնային նահանգ։ Առաջին հերթին նրանք իրաքցիներ են, սիրիացիներ և աֆղաններ։
Միաժամանակ, ինչպես ընդգծել է դաշնային ոստիկանությունը, սեպտեմբերին ԳԴՀ ապօրինի մուտք է գործել 2,049 օտարերկրացի, հոկտեմբերին՝ 5,294, նոյեմբերին՝ 2,849։ Դեկտեմբերին իրավապահները գրանցել են Բելառուսից Գերմանիա ժամանած ընդամենը 521 անօրինական ներգաղթյալի։
Կարծիքներ