Օմիկրոնին բաժին է ընկնում Թուրքիայի որոշ նահանգներում նոր դեպքերի ավելի քան 10%-ը

Թուրքիայի խիտ բնակեցված նահանգներում կորոնավիրուսի նոր դեպքերի ավելի քան 10%-ը պայմանավորված է օմիկրոնի շտամով, հայտարարել է հանրապետության առողջապահության նախարարության ղեկավար Ֆահրեթին Քոջան։ Այս մասին գրում է Риа новости-ն։

«Օմիկրոն տարբերակը սկսեց տարածվել մեր երկրում Եվրոպայից հետո: Այն առաջացնում է նոր դեպքերի ավելի քան 10% -ը, որոնք նկատվել են մեր խիտ բնակեցված նահանգներում: Նոր իրավիճակն էլ ավելի կարևոր է դարձրել խթանող դոզան», - թվիթերում գրել է Քոջան։

Առողջապահության համաշխարհային կազմակերպությունը, նոյեմբերի վերջին տեղի ունեցած արտակարգ նիստից հետո, որոշեց դասակարգել Հարավային Աֆրիկայում հայտնաբերված կորոնավիրուսի նոր տարբերակը որպես մտահոգություն առաջացնող: ԱՀԿ -ն նոր շտամն անվանել է B.1.1.529 հունարեն omicron տառով :