Գերմանիան չի կիսում ԱՄՆ-ի վստահությունը Ուկրաինա ներխուժելու Ռուսաստանի մտադրության վերաբերյալ

Գերմանիայի իշխանությունները չեն կիսում ԱՄՆ-ի վստահությունը, թե Ռուսաստանը պատրաստվում է ներխուժել Ուկրաինա։ ՏԱՍՍ-ի հաղորդմամբ՝ այդ մասին շաբաթ օրը հաղորդել է Reuters գործակալությունը՝ վկայակոչելով Գերմանիայի կառավարության աղբյուրները:

Ինչպես նշել են գործակալության զրուցակիցները, Բեռլինը շահագրգռված է լարվածության նվազեցմամբ։ Բացի այդ, աղբյուրները նշել են, որ Գերմանիայի նպատակը մնում է նորմանդական ձևաչափով բանակցությունների հնարավորինս շուտ վերսկսումը։

Reuters-ը նաև տեղեկացրել է, որ Գերմանիայի կանցլեր Օլաֆ Շոլցի արտաքին քաղաքականության հարցերով խորհրդական Յենս Պյոթները և ՌԴ նախագահի աշխատակազմի ղեկավարի տեղակալ Դմիտրի Կոզակը հինգշաբթի օրը հեռախոսազրույցի ընթացքում պայմանավորվել են հանդիպել հունվարի սկզբին՝ քննարկելու Ուկրաինայի շուրջ հակամարտությունը։ Ավելի վաղ այս մասին հայտնել էր DPA գործակալությունը։