Էրդողանը կրկին ահաբեկչի դրոշմ է դնում փաստաբանների վրա

Թուրքիայի նախագահ Ռեջեփ Էրդողանը կոչ է արել աշխատանքից ազատել ահաբեկիչների հետ կապերի մեջ մեղադրվող փաստաբաններին՝ հացադուլ հայտարարած փաստաբան եւ իրավապաշտպանի մահվան հետ կապված բողոքի ցույցերից հետո, հաղորդում է Reuters-ը:

Էմբրու Տիմտիկը մահացել է անցած շաբաթ Ստամբուլի հիվանդանոցում 238-օրյա հացադուլից հետո: Նա մեղադրվում էր ահաբեկչական կազմակերպությանն անդամակցության մեջ:

Նրա մահից հետո փաստաբանների ստամբուլյան կոլեգիան Տիմտիկի լուսանկարը կախել է իր շտաբ բնակարանների մոտ ՝ ի նշան բողոքի:

«Մենք պետք է քննարկենք, թե արդյոք պետք է նման մեթոդներ կիրառել, ինչպես օրինակ՝ իրավաբանի մասնագիտությունից բացառումը»,-ասել է Էրդողանը:  Նրա խոսքով՝ «փաստաբանը, որը պաշտպանում է ահաբեկիչներին,չպետք է ահաբեկիչ լինի»:

Եվրամիությունը հայտարարել է, որ խորապես ցնցված է Տիմտիկի մահով, ով դատապարտված է եղել 13 տարի:

«Շատ ցավալի է, որ փաստաբանների կոլեգիան, որը պետք է արդարադատության ինստիտուտ լիներ, վերածվել է ահաբեկչական կազմակերպության»,-ասել է Էրդողանը՝ հավելելով, որ կոլեգիայի վերաձեւավորման հետագա քայլեր կձեռնարկվեն: