Սոչիում նավ է խորտակվել փոթորկի ժամանակ
Սոչիում փոթորկի ժամանակ առագաստանավ է խորտակվել։ ՏԱՍՍ-ի հաաղորդմամբ՝ այս մասին լրագրողներին հայտնել են ՌԴ ԱԻՆ Կրասնոդարի երկրամասի գլխավոր տնօրինության մամուլի ծառայությունում։
Կիրակի օրը սոցցանցերում տեսանյութ է հրապարակվել, որում, ըստ հեղինակների, Սոչիի Խոսինսկի շրջանի երեք նավակայաններից մեկում զբոսանավ է խորտակվել։ Կադրերում երեւում է, որ նավը գրեթե ամբողջությամբ սուզվել է։
Նշվում է, որ նավը պատկանում է մասնավոր անձի։ Մոսկվայի ժամանակով 15:30-ին մասնագիտացված ընկերությունը սկսել է նավը բարձրացնել: ՏԱՍՍ-ի փոխանցմամբ՝ միջադեպի պահին նավում մարդ չի եղել, ՏԱՍՍ-ին հայտնել է տարածաշրջանի իրավապահ մարմինների աղբյուրը։
Կարծիքներ