ՄԱԿ-ի Գլխավոր ասամբլեայի նախագահը հանդես է եկել միջուկային զենքից հրաժարվելու օգտին
Աշխարհը պետք է շարժվի միջուկային զինանոցների կրճատման և ի վերջո միջուկային զենքից հրաժարվելու ուղղությամբ, բայց միևնույն ժամանակ կարևոր է վերահաստատել միջուկային պատերազմի անթույլատրելիության սկզբունքը։ Այս մասին ՏԱՍՍ-ին տված հարցազրույցում հայտարարել է ՄԱԿ-ի Գլխավոր ասամբլեայի 78-րդ նստաշրջանի նախագահ Դենիս Ֆրենսիսը։
«Միջուկային զենքի տարածումը ծայրահեղ մտահոգության տեղիք է տալիս», - ասաց նա: «Դա տագնապալի է, քանի որ մենք գիտենք այն վտանգները, որոնք միջուկային զենքերը ներկայացնում են ոչ միայն մարդկության, այլև շրջակա միջավայրի և ամբողջ մոլորակի համար: Գլխավոր ասամբլեան լիահույս է, որ մենք շարժվելու ենք միջուկային զենքի կրճատման և վերջնական վերացման ուղղությամբ՝ այն ցավի և տառապանքի պատճառով, որը նրանք կարող են պատճառել մարդկությանը, կասկածի տակ դնելով դրանց գոյությունն այս մոլորակի վրա»:
Կարծիքներ