Արգելվել է կապիկների և կրծողների կարգին պատկանող կենդանատեսակների ներմուծումը Հայաստան

Արգելվել է կապիկների և կրծողների կարգին պատկանող կենդանատեսակների ներմուծումը Հայաստան

Արգելվել է պրիմատների և կրծողների կարգին պատկանող կենդանատեսակների ներմուծումը ՀՀ տարածք:

Այս մասին տեղեկացնում է  ՀՀ սննդամթերքի անվտանգության տեսչական մարմինը: Որոշման մեջ ասվում է.

Հիմք ընդունելով վերջին շաբաթներին աշխարհում տարածվող «կապիկների ծաղիկ» զոոնոզ հիվանդության դեպքերը և հիվանդության մուտքը Հայաստանի Հանրապետություն կանխելու նպատակով, ՀՀ սննդամթերքի անվտանգության տեսչական մարմնի ղեկավարի հրամանով, 2022 թվականի մայիսի 28-ից մինչև 2022 թվականի նոյեմբերի 28-ը արգելվել է Հայաստանի Հանրապետության տարածք պրիմատների և կրծողների կարգին պատկանող կենդանատեսակների ներմուծումը, Եվրասիական տնտեսական անդամ մի պետությունից Հայաստան տեղափոխումը և երկրի տարածքով տարանցիկ փոխադրումը։