Իտալիայի վարկանիշային մրցաշար․ Նարեկ Մանասյանը վնասվածքի պատճառով դուրս մնաց պայքարից

Իտալիայում ընթացող բռնցքամարտի օլիմպիական վարկանիշային մրցաշարում Հայաստանի հավաքականի անդամ, աշխարհի առաջնության բրոնզե մեդալակիր Նարեկ Մանաասյանը (92 կգ) 1/8 եզրափակիչում մենամարտել է ԱՄՆ-ի ներկայացուցիչ Ջամար Թալիի հետ, սակայն երկրորդ ռաունդի մեկնարկում ստացած դեմքի պատռվածքից հետո բժիշկները թույլ չեն տվել շարունակել մենամարտը:

Ավելի վաղ Մանասյանը երկու հաղթանակ էր տարել վարկանիշային մրցաշարում։ Փարիզի 2024 թվականի Օլիմպիական խաղերի ուղեգիր նվաճելու համար բռնցքամարտիկները պետք է հասնեն մինչև կիսաեզրափակիչ։

Նախօրեին վարկանիշային մրցաշարում իր երկրորդ հաղթանակն էր տարել Ռաֆայել Հովհաննիսյանը:

Հայաստանի տղամարդկանց հավաքականից պայքարը լքել են նաև գերծանր քաշային Դավիթ Չալոյանը, 57 կգ Արթուր Բազեյանը: Կանանց թիմից՝ Անի Հովսեփյանը, Անուշ Գրիգորյանը, Տաթևիկ Խաչատրյանը և Էլիդա Քոչարյանը:

Այսօր քառորդ եզրափակիչի ուղեգրի համար կպայքարեն Ռուդոլֆ Գարբոյանը (51 կգ), Գուրգեն Մադոյանը (71 կգ) և Ռաֆայել Հովհաննիսյանը (80 կգ):