ԱՄՆ-ի և Սլովակիայի պաշտպանության նախարարները քննարկել են Ուկրաինա С-300-ների ուղարկման հարցը

Պենտագոնի ղեկավար Լլոյդ Օսթինը ուրբաթ օրը Սլովակիայի պաշտպանության նախարար Յարոսլավ Նագիի հետ քննարկել է S-300 զենիթահրթիռային համակարգի (SAM) Բրատիսլավայից Կիև տեղափոխելու հարցը։ ՏԱՍՍ֊ի հաղորդմամբ՝ այս մասին ասված է ԱՄՆ պաշտպանության նախարարության մամուլի քարտուղար Ջոն Քիրբիի հաղորդագրության մեջ։

Նրա խոսքով՝ Օսթինն ու Նագին քննարկել են այն կարևոր դերը, որը կխաղա պաշտպանական համակարգը Ուկրաինային աջակցելու առումով։ Հանրապետության պաշտպանության նախարարը երախտագիտություն է հայտնել Պենտագոնի ղեկավարին Ամերիկյան Patriot համալիրի առաջիկա տեղափոխման համար Սլովակիա՝ ապահովելու ՆԱՏՕ-ի տարածքի զսպումն ու պաշտպանությունը։

Patriot հակաօդային պաշտպանության համակարգը Սլովակիա տեղափոխելու որոշման մասին ուրբաթ օրը հայտարարել է ԱՄՆ նախագահ Ջո Բայդենը։ Ավելի ուշ Քիրբին պարզաբանել է, որ համալիրը ժամանակավորապես գտնվելու է Հանրապետությունում։

Սլովակիայի լրատվամիջոցներն ավելի վաղ հայտնել էին, որ Բրատիսլավայի կողմից փոխանցված S-300 հակաօդային պաշտպանության համակարգն արդեն գտնվում է Ուկրաինայում։