Գարիկ Գալեյանը կշարունակի մնալ կալանքի տակ

Գարիկ Գալեյանը կշարունակի մնալ կալանքի տակ: ՀՀ վերաքննիչ քրեական դատարանը մերժել է ներկայացված բողոքը:

Այս մասին հայտնել է Գալեյանի պաշտպան Վահան Հովհաննիսյանը:

Գարիկ Գալեյանը կալանավորվել էր սեպտեմբերի 9-ին:

Հիշեցնենք՝ Գ. Գալեյանի անձնական խուզարկությամբ վերջինիս մոտ հայտնաբերվել և վերցվել է պոլիէթիլենային տոպրակ, որի մեջ առկա է եղել 3 միանման պոլիէթիլենային փաթեթ՝ համապատասխանաբար 1.59 գրամ, 1.51 գրամ և 1.60 գրամ ընդհանուր քաշերով «Մարիխուանա» տեսակի թմրամիջոցի նմանվող յուրահատուկ հոտով դեղնականաչավուն զանգվածներով: Ոստիկանության փորձագիտական կենտրոնից ստացված եզրակացության համաձայն՝ նրա մոտ հայտնաբերված նյութը «Մարիխուանա» տեսակի թմրամիջոց է:

Նախաձեռնված նոր քրեական վարույթը միացվել է ավելի վաղ Գ. Գալեյանի առնչությամբ ՀՀ քննչական կոմիտեի Երևան քաղաքի քննչական վարչության ծանր հանցագործությունների քննության բաժնում նախաձեռնված քրեական վարույթին։