Ֆրանսիայի հյուսիսում գնացքը հարվածել է միգրանտների խմբին

Ֆրանսիայի Կալե քաղաքում գնացքը հարվածել է միգրանտների խմբին, ինչի հետևանքով մեկ մարդ մահացել է։ TASS-ի հաղորդմամբ՝ այս մասին Twitter-ում հայտնել է շրջանի խորհրդի փոխնախագահ O դը Ֆրանս Ֆրանկ Դերենը, ով պատասխանատու է տրանսպորտային ենթակառուցվածքների զարգացման համար։

Նրա խոսքով՝ միջադեպը տեղի է ունեցել տեղական ժամանակով մոտավորապես 18:30-ին  երկաթուղու Բո Մարե թաղամասով անցնող հատվածում։ 

Շրջանային խորհրդի փոխնախագահն ասաց, որ միգրանտները հորդառատ անձրևի տակ քայլել են երկաթգծով, լուսավորության բացակայության պատճառով չեն տեսել մոտեցող գնացքը։ Գնացքում եղել է 17 ուղևոր։

Միջադեպի հետևանքով գնացքների երթևեկությունն ընդհատվել է Դյունկերքի եւ Կալեի միջև։