Արման Ծառուկյանը պատրաստվում է UFC Fight մրցաշարի հաջորդ մենամարտին
Ռուսաստանը ներկայացնող հայազգի մարտիկ Արման Ծառուկյանի հաջորդ մրցակիցը կլինի Լեհաստանի ներկայացուցիչ Մատեուշ Գամրոտը, հաղորդում է Polsat Sport-ը։
Մենամարտը տեղի կունենա հունիսի 25-ին՝ ԱՄՆ-ի Լաս Վեգաս քաղաքում նախատեսված խառը մենամարտերի UFC Fight Night 208 մրցաշարում։
Արման Ծառուկյանը խառը մենամարտերում տարել է 18 հաղթանակ, կրել 2 պարտություն։ Նա UFC-ում հանդես է գալիս 2019 թվականից։ Մատեուշ Գամրոտը տարել է 20 հաղթանակ, կրել 1 պարտություն։
Փետրվարի 27-ին Լաս Վեգասում Արման Ծառուկյանը UFC Vegas 49 մրցաշարում պարտության էր մատնել իսպանացի Խոել Ալվարեսին։
Կարծիքներ