ԱՄՆ-ը և Սլովակիան ստորագրել են ռազմական համագործակցության համաձայնագիր
Միացյալ Նահանգները և Սլովակիան հինգշաբթի Վաշինգտոնում ստորագրեցին ռազմական համագործակցության համաձայնագիր, որը ԱՄՆ-ին հնարավորություն է տալիս օգտագործել երկու ավիաբազա, ինչպես նաև Սլովակիայում գտնվող այլ ռազմական օբյեկտներ: Այս մասին գրում է ՏԱՍՍ-ը։
Համաձայնագիրը ամերիկյան կողմից ստորագրել է պետքարտուղար Էնթոնի Բլինկենը, որի տակ ստորագրել են Սլովակիայի պաշտպանության նախարար Յարոսլավ Նագին և արտգործնախարար Իվան Կորչոկը։
«Մենք նման պայմանագրեր ենք ստորագրել ՆԱՏՕ-ի մեր շատ դաշնակիցների հետ, քանի որ կարծում ենք, որ պաշտպանական համագործակցության սերտացումը բխում է մեր շահերից, մեր դաշնակիցների շահերից։
Ամերիկյան զինված ուժերը, համաձայնագրի դրույթների համաձայն, կկարողանան օգտագործել Malacky-Kuhinya (արևմուտք) և Sliac (կենտրոնական) ավիաբազաները, ինչպես նաև Սլովակիայի այլ ռազմական օբյեկտներ։ Հանրապետության բանակը դրա դիմաց ֆինանսավորում կստանա ԱՄՆ-ից։ Խոսքն առայժմ 100 միլիոն դոլարի մասին է։
Ծրագիրը խիստ քննադատության է ենթարկվում Սլովակիայի բազմաթիվ քաղաքական գործիչների և հասարակության կողմից: Սոցիալ-դեմոկրատների առաջնորդ, նախկին վարչապետ Ռոբերտ Ֆիկոն համոզված է, որ համաձայնագրի միակ նպատակը ԱՄՆ զինված ուժերին ռուսական սահմանին մոտեցնելն է։ Մինչդեռ Կորչոկը հունվարի 12-ին հավաստիացրել է, որ առանց Բրատիսլավայի համաձայնության ամերիկացիները չեն կարողանա ստեղծել իրենց ռազմական օբյեկտները և ռազմական անձնակազմ տեղափոխել հանրապետություն։
Կարծիքներ