Հրդեհ ավտոմեքենայում. տուժածներ չկան
Հունիսի 20-ին, ժամը 02։10-ին Ճգնաժամային կառավարման ազգային կենտրոն ահազանգ է ստացվել, որ Ալավերդի-Սարահարթ ավտոճանապարհի 4-րդ կմ-ին ավտոմեքենա է այրվում։
Դեպքի վայր է մեկնել ԱԻՆ ՓԾ Լոռու մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ «Opel Astra» մակնիշի ավտոմեքենան (վարորդ՝ Անդրանիկ Բ․) դուրս է եկել ճանապարհի երթևեկելի հատվածից, շրջվել և բռնկվել․ տուժածներ չկան։
Հրդեհը մեկուսացվել է ժամը 02։30-ին, մարվել՝ 03։01-ին։ Այրվել է ավտոմեքենան։
Կարծիքներ