Սահմանին հարաբերական անդորր է. վաղ առավոտյան մոբիլիզացվել են մարզի քաղաքացիական պաշտպանության բոլոր խմբերը
Տավուշի մարզպետ Հայկ Չոբանյանը հայտնել է, որ սահմանին այս պահի դրությամբ հարաբերական անդորր է:
«Հակառակորդի գործողությունների արդյունքում մեր բնակավայրում վնասվել են 10-ից ավելի առանձնատներ, ինչպես նաև որոշ ենթակառուցվածքներ: Առանձնահատուկ ուզում եմ նշել սահմանապահ Այգեպարի մանկապարտեզի ռմբահարումը»,-այս մասին այսօր հրավիրված ասուլիսում ասաց Չոբանյանը:
Նա հայտնեց, որ վաղ առավոտյան մոբիլիզացվել են մարզի քաղաքացիական պաշտպանության բոլոր խմբերը և հիմա ինտենսիվ աշխատանքներ են ընթանում բոլոր ուղղություններով քաղաքացիների անվտանգությունն ապահովելու համար:
«Մասնավորապես պատսպարման առումով հայտարարել ենք ներքին մոբիլիզացիա: Մեր քաղաքացիները հիմնականում գտնվել են ապաստարաններում և նկուղուներում: Բարեբախտաբար քաղաքացիական բնակչության մեջ վիրավորներ ու զոհեր չունենք»,-ասաց մարզպետը:
Կարծիքներ