Էստոնիան ավարտել է Ռուսաստանի հետ սահմանին պատնեշների տեղադրման աշխատանքները

Էստոնիայի պաշտպանության ուժերը, Ոստիկանության և սահմանապահների խորհուրդը ավարտել են Նարվա նահանգում Ռուսաստանի հետ սահմանին փշալարերի տեղադրումը, ՏԱՍՍ-ի փոխանցմամբ՝ հաղորդել է էստոնական ERR հեռարձակման պորտալը :

Էստոնիայի կառավարությունը նոյեմբերի 17-ին հայտարարեց մոտ 1,7 հազար պահեստային զինվորների չնախատեսված Okas 2021  զորակոչի մասին, որի ընթացքում նրանք սկսեցին ժամանակավոր փշալարեր կառուցել Ռուսաստանի հետ սահմանին մոտ 40 կիլոմետր հեռավորության վրա։ 

Ոստիկանության և սահմանապահների խորհուրդը քարտեզագրել է մինչև տասը հատված, որտեղ 120 կիլոմետր փշալար պետք է ձգվի 40 կիլոմետրի վրա երեքից չորս շարքով: Մեկ տեղամաս գտնվում է Նարվայում, մնացածը՝ ցամաքային սահմանին՝ Էստոնիայի հարավ-արևելքում: Շինարարությունն իրականացվում է այն տարածքներում, որտեղ սահմանի անօրինական հատման վտանգը ամենաբարձրն է։

Ներքին գործերի նախարարության տվյալներով՝ այժմ մոտ 25 կիլոմետր պարիսպ է տեղադրվել, աշխատանքները շարունակվում են հաջորդ՝ 39,5 կիլոմետր երկարությամբ հատվածում։ Դրանց կավելանա եւս 40 կիլոմետր ժամանակավոր պարիսպ, որի շինարարությունն ավարտվում է։ 
Էստոնա-ռուսական սահմանի ընդհանուր երկարությունը 338 կիլոմետր է, որից 135 կիլոմետրն անցնում է ցամաքով, 76 կիլոմետրը՝ Նարվա գետով, 127 կիլոմետրը՝ Պեյպսի լճով։ Ռուսաստանի հետ սահմանի շինարարությունը պետք է ավարտվի մինչև 2026 թվականը.