Արմավիրի մարզի Արաքս գյուղի մոտակայքում մոտ 150 հա խոտածածկ տարածք և 1000 հատ հենասյուն է այրվել
Արմավիրի մարզային ճգնաժամային կառավարման կենտրոնն ապրիլի 4-ին, ժամը 11:14-ին ահազանգ է ստացել, որ Արաքս գյուղի մոտակայքում այրվում է խոտածածկ տարածք։
Ինչպես տեղեկացրին ՀՀ արտակարգ իրավիճակների նախարարությունից, դեպքի վայր է մեկնել ԱԻՆ փրկարար ծառայության մարզային փրկարարական վարչության հրշեջ-փրկարարական ջոկատներից երեք մարտական հաշվարկ։
Ըստ աղբյուրի՝ հրդեհը մեկուսացվել է ժամը 16։25-ին, մարվել՝ 19։58-ին։ Այրվել են մոտ 150 հա խոտածածկ տարածք և 1000 հատ հենասյուն՝ մասամբ։
Նշվում է, որ հրդեհաշիջման աշխատանքներում ներգրավված է եղել համայնքապետարանի երկու միավոր տեխնիկա։
Կարծիքներ