Հայաստանի Ամերիկյան համալսարանի դասախոսները զբաղված են իշխանության հակաքարոզչությամբ

Հայաստանում խղճի, մտքի, խոսքի ազատություն է, որի՝ սահմանադրությամբ ամրագրված իրավունքը ՀՀ քաղաքացիները, անշուշտ, իրացնում են առանց խոչընդոտների: Սակայն անթույլատրելի է քաղաքական քարոզչությունը տեղափոխել հոգևոր աշխարհ, կրթական ոլորտ, առողջապահական համակարգ և փորձել ճնշումների միջոցով ազդել մարդկանց կարծիքի վրա:

Freenews լրատվականն արդեն մի քանի ահազանգեր է ստացել Հայաստանի Ամերիկյան համալսարանից, ուսանողները բողոքում են. այստեղ, պարզվում է՝ դասախոսական կազմը դասաժամերին զբաղված է իշխանությունների հակաքարոզով: Գործող իշխանությանը սևացնելու և ընդդիմությանը փառաբանելու մոլուցքով տարված այս մարդիկ կարծես թե մոռացել են, թե ինչի համար են գնում աշխատանքի, որն է իրենց առաքելությունը: Հորդորում ենք քաղաքական թեմաները քննարկել տանը՝ սուրճի բաժակի շուրջ, իսկ համալսարանում կրթել ուսանողներին և այլևս չփորձել զբաղվել «հոգևորսությամբ»: