Ճապոնիայի նոր վարչապետի պաշտոնում կպայքարեն 3 հիմնական թեկնածուներ

Ճապոնիայի վարչապետի երկու հնարավոր թեկնածուներ Ճապոնիայի պաշտպանության նախարար Տարո Կոնոն եւ արտաքին գործերի նախարար Տոսիմիցու Մոտեգին հայտարարել են, որ չեն պատրաստվում մասնակցել վարչապետի պաշտոնի համար կայանալիք ընտրություններին , հաղորդում է ՏԱՍՍ-ը:

Այդպիսով, վարչապետի աթոռի համար կպայքարեն 3 հիմնական թեկնածուներ՝ ԱԳՆ նախկին ղեկավար Ֆումիո Կիսիդան, ՊՆ նախկին ղեկավար Սիգերու Իսիբան եւ նախարարների կաբինետի գլխավոր քարտուղար Յոսիհիդե Սուգան, որն անկասկած ֆավորիտ է համարվում:

Kyodo գործակալության հարցման համաձայն՝ ամենահավանական թեկնածու է Իսիբա, ում վարչապետի պաշտոնում կցանկանար տեսնել բնակչության 34,3 տոկոսը: Սուգան երկրորդ տեղում է՝ 14,3 տոկոս:

Այս շաբաթ

Օգոստոսի 28-ին Սինձո Աբեն հայտարարել է առողջական խնդիրների պատճառով երկրի վարչապետի պաշտոնը լքելու ցանկության մասին: Նա նաեւ չի հայտնել իր հաջորդի անունը:

Ընտրությունները կանցկացվեն սեպտեմբերի 14-ին: