Հրաչյա Սարգսյանը վստահեցրեց՝ ավարտին կհասցնի 2018 թվականից մեկնարկած ծրագրերը
Երևանի քաղաքապետի առաջին տեղակալ, քաղաքապետի թեկնածու Հրաչյա Սարգսյանը վստահեցրեց՝ այն ծրագրերը, որոնք մեկնարկել են դեռևս 2018 թվականին, ավարտին է հասցնելու։ Լրագրողների հետ զրույցում Սարգսյանը ընդգծեց, որ նախընտրական խոստումները կատարելու համար դեռ 2 տարի ժամանակ կա։
«Նախնական բավականին աշխատանք ենք իրականացրել, որը հնարավորություն կտա ծրագրերը իրականություն դարձնել»,- ասաց Սարգսյանը։
Ըստ քաղաքապետի առաջին տեղակալի՝ երեք տարվա ընթացքում Հայաստանի պետականությունը տարբեր փորձությունների միջով է անցել, բայց ,այնուամենայնիվ, արձանագրել են հաջողություններ։
Նա նշեց նաև, որ Հայկ Մարությանի հետ ընդհանրապես խնդիրներ չի ունեցել։
Երևանի ավագանու «Իմ քայլը» խմբակցությունն անվստահություն է հայտնել Երևանի քաղաքապետ Հայկ Մարությանին և առաջադրել քաղաքապետի առաջին տեղակալ Հրաչյա Սարգսյանի թեկնածությունը: Ավագանին դեկտեմբերի 22-ին կայացած արտահերթ նիստում քննարկեց Հայկ Մարությանին անվստահություն հայտնելու հարցը: Ավագանու նիստն այս պահին ընդմիջվել է. քաղաքապետին անվստահություն հայտնելու և նոր քաղաքապետ ընտրելու հարցը տեղի կունենա փակ քվեարկությամբ:
Կարծիքներ