"Առաջնորդության դպրոց" հիմնադրամի նախաձեռնությամբ արցախցի 150 աշակերտներ ստացել են սմարթֆոններ
"Առաջնորդության դպրոց" հիմնադրամի նախաձեռնությամբ արցախցի 150 աշակերտներ ստացել են սմարթֆոններ, որոնցով կարող են մասնակցել հեռավար դասերին և օգտվել առցանց կրթական հարթակներից։
Առաջնահերթությունը տրվել է այն աշակերտներին, որոնց բնակավայրերը մնացել են Ադրբեջանի վերահսկողության տակ, ովքեր պատերազմի ընթացքում ծնող են կորցրել կամ սոցիալապես անապահով ընտանիքից են։
ԱՀ ԿԳՄ նախարարությունը երախտագիտությունն է հայտնում "Առաջնորդության դպրոց" հիմնադրամին՝ ի դեմս հոգաբարձուների խորհրդի նախագահ Սամվել Մովսիսյանի և ծրագրի բոլոր աջակիցներին։
Վստահ ենք, որ միմիայն լավագույն կրթությամբ կարելի է կառուցել լուսավոր ապագան։
Ծրագիրը շարունակական է լինելու։
Գրանցվելու համար զանգեք 047941139 համարին։
[ԱՀ կրթության, գիտության և մշակույթի նախարարություն]
Կարծիքներ