Այսօր մեքենայում գտնվելու ողջ ժամանակահատվածում ոչ մի նման միջադեպ չի արձանագրվել. Արման Բաբաջանյանը՝ փողոցն անցնող կնոջը հարվածելու մասին
Ազգային ժողովի պատգամավոր Արման Բաբաջանյանը ֆեյսբուքյան իր էջում գրում է.
Րոպեներ առաջ ֆեյսբուքյան օգտատերերից մեկը գրառում է կատարել Նորքում ինձ պատկանող մեքենայով փողոցն անցնող կնոջը իբրև հարվածելու, չկանգնելու և կնոջ որպիսությունը չհարցնելու մասին:
Միանգամից հայտնեմ՝ մեքենան վաղուց ես չեմ վարում, որովհետև շատ վատ վարորդ եմ և հետո մեքենայում մեծ մասամբ աշխատում եմ: Նրանք, ովքեր ճանաչում են վարորդիս կվկայեն նրա պրոֆեսիոնալիզմի ու բարեխղճության մասին:
Առնվազն, կարող եմ վկայել, որ իմ այսօր մեքենայում գտնվելու ողջ ժամանակահատվածում ոչ մի նման միջադեպ
չի արձանագրվել: Վարորդս բացառեց, որ նման միջադեպ տեղի ունեցած լինի:
Այնուամենայնիվ, պիտի խնդրեմ, որպեսզի գրառման հեղինակը հրապարակի որոշ մանրամասներ արձանագրած միջադեպի ժամի, կոնկրետ փողոցի վերաբերյալ, կամ եթե թույլ տա անձամբ կապ հաստաատեմ նրա հետ:
Եթե գրառման հեղինակից բացի ուրիշ որևէ մեկը կարող է նկարագրված միջադեպից մանրամասներ հայտնել տուժած կնոջ մասին, խնդրում եմ գրել ինձ անձնական նամակով:
Կարծիքներ