Ուժեղացված ծառայություն՝ Արմավիրի մարզում. 3 մեքենա համարանիշ չի ունեցել, եւս երեքը՝ եղել է առանց ԱՊՊԱ պայմանագրի

Ճանապարհային ոստիկանության 2-րդ սպայական գումարտակի 1-ին վաշտի ծառայողները մարտի 23-ին ուժեղացված ծառայություն են իրականացրել Արմավիրի մարզում։

Ոստիկանությունից հայտնում են, որ միջոցառման նպատակն էր առանց համարանիշերի շահագործվող տրանսպորտային միջոցներ հայտնաբերելը։ Արդյունքում՝ հայտնաբերվեց առանց համարանիշերի երեք տրանսպորտային միջոց, որոնք տեղափոխվեցին պահպանվող հատուկ տարածք։ Ճանապարհային երթևեկության տարբեր կանոնների խախտումների փաստերով կազմվեց 40 արձանագրություն։ Հայտնաբերվեցին առանց ԱՊՊԱ պայմանագրի շահագործվող՝ երեք, թաղանթապատված դիմապակիով՝ մեկ, առանց համապատասխան փաստաթղթերի՝ մեկ, և մեկ համարանիշով՝ մեկ մեքենա։ Նմանօրինակ միջոցառումները պարբերական են։