Մակրոնը նշել է, որ Փարիզը պատրաստ է ընդունել ՕԽ–ն

Ֆրանսիայի նախագահ  Էմանուել Մակրոնը Փարիզի  օլիմպիական խաղերի 500 օրվա հետհաշվարկի կապակցությամբ ասել է, որ  իր երկիրը պատրաստ է «հյուրընկալել աշխարհը»:  Կազմկոմիտեն այդ  իրադարձությունը նշանավորելու նպատակով  կազմակերպել է  24-ժամյա  փոխանցավազք՝ 116 երկրների և Ֆրանսիայի անդրծովյան տարածքների  ավելի քան 20 հազար   վազորդների մասնակցությամբ: Այս մասին գրում է Armsport.am-ը։

 Մակրոնը նշել է, որ խաղերի  նախապատրաստական աշխատանքները հաջող են ընթանում և  ընդամենը 500 օր է իրենց բաժանում ամառային համաշխարհային իրադարձությունից:    Նա նաև ընդգծել է  խաղերի ազդեցությունը Ֆրանսիայի քաղաքացիների վրա. ստեղծվել են 5000 նոր մարզակառույցներ, մեկնարկել է բնապահպանական մեծ նախաձեռնություն. մաքրվելու են  Սենա և Մարնե գետերը և այլն:

Ստուգատեսի տոմսերի վաճառքի երկրորդ  փուլը կմեկնարկի մայիսին:

«Փարիզ – 2024»  օլիմպիական խաղերը կանցկացվեն հուլիսի 26-ից օգոստոսի 11-ը, որին կհաջորդեն պարալիմպիկ խաղերը՝ օգոստոսի 28-ից սեպտեմբերի 8-ը։

Մարզահանդեսի մեկնարկին մնացել է 498 օր: