Ֆուտբոլիստն ընկերուհուն ամուսնության առաջարկություն է արել գոլ խփելուց հետո

Ֆուտբոլիստն ընկերուհուն ամուսնության առաջարկություն է արել գոլ խփելուց հետո

«Պալերմո»-ի հարձակվող Ջուզեպե Ֆելլան ինքնատիպ կերպով է տոնել իտալական C սերիայի շրջանակում «Պոտենցա» թիմին խփած գոլը: Այս մասին գրում  է «Корреспондент»-ը։

Գոլ խփելով մրցակցի դարպասին՝ ֆուտբոլիստը վազել է տրիբունաների մոտ և առաջարկություն արել իր ընկերուհուն, որը մարզադաշտում էր գտնվում:

Դրա համար ֆուտբոլիստն օգտվել է նախապես պատրաստված մարզաշապիկից, որում պատկերված տղան առաջարկություն է անում աղջկան: Ֆուտբոլիստի ընկերուհին՝ Մարիսան, գնահատել է մարզիկի քայլն ու դրական պատասխան տվել:

Իտալական աղբյուրի համաձայն՝ զույգն արդեն երկար տարիներ միասին է ապրում: Նրանք նաև համատեղ երեխա ունեն: