Լատվիան իր քաղաքացիներին թույլ է տվել կռվել հանուն Ուկրաինայի

Լատվիայի Սեյմը հատուկ փոփոխությունների ընդունման համար հրավիրվել է արտահերթ նիստ, որը խոսնակը բացել է Ուկրաինայում տիրող իրավիճակի մասին կարճ ներածական խոսքով և «Փա՛ռք Ուկրաինային, փա՛ռք հերոսներին» կարգախոսով։

Ինչպես հայտնում է lv.sputniknews.ru-ն, Լատվիայի Սեյմը միանգամից երկու ընթերցմամբ քվեարկել է Ազգային անվտանգության մասին օրենքում փոփոխություններ կատարելու օգտին, որը  Լատվիայի քաղաքացիներին թույլ է տալիս Կիևի կողմից մասնակցել Ուկրաինայում ռազմական գործողություններին:

Հայտնի է, որ փետրվարի 27-ին Ուկրաինայի նախագահը ստորագրել է հրամանագիր, որի համաձայն՝ Ուկրաինայում ստեղծվել է հատուկ միջազգային կառուցվածքային ստորաբաժանում, որը բաղկացած կլինի օտարերկրացիներից, որոնք ցանկանում են Ուկրաինայի կողմից մասնակցել ռազմական գործողություններին:

Հիշեցնենք, որ փետրվարի 24-ի առավոտյան ՌԴ նախագահ Վլադիմիր Պուտինը հայտարարել էր Ուկրաինայի ապառազմականացման համար հատուկ ռազմական գործողություն սկսելու մասին։

Հեռուստաուղերձում նա ասել էր, որ հանգամանքները «մեզնից պահանջում են վճռական և անհապաղ գործողություններ, Դոնբասի ժողովրդական հանրապետությունները օգնության խնդրանքով դիմել են Ռուսաստանին»։
 
Ռուսաստանի ղեկավարի խոսքով, արյունահեղության ողջ պատասխանատվությունը կլինի Ուկրաինայում իշխող ռեժիմի խղճի վրա։ Նա ուկրաինացի զինվորականներին կոչ է արել չկատարել ուկրաինական իշխանությունների հանցավոր հրամանները, վայր դնել զենքերն ու գնալ տուն։