Պակիստանն օգնում է թալիբներին պայքարել ԻՊ-ի դեմ

Պակիստանը օգնություն է ցուցաբերում Աֆղանստանում իշխանությունը զավթած «Թալիբան» շարժմանը ԻՊ-ի դեմ պայքարում: ՏԱՍՍ-ի հաղորդմամբ՝ այս մասին շաբաթ օրը գրում է Washington Post թերթը՝  վկայակոչելով թալիբների երկու ներկայացուցչի:    

Պարբերականի տվյալներով՝ Պակիստանը ոչ պաշտոնական ուղիներ է օգտագործում՝ հետախուզություն փոխանցելու և ահաբեկիչների դեմ պայքարում տեխնիկական աջակցություն ցուցաբերելու համար: Մասնավորապես, պակիստանյան կողմն օգնում է թալիբներին՝ հետեւելու հեռախոսազանգերին եւ ինտերնետային գործունեությանը՝ ԻՊ զինյալներին բացահայտելու համար: «Պակիստանը մեր եղբայրն է, և նրանք մեզ աջակցում են շատ առումներով, ներառյալ՝ տեղեկատվություն և հետախուզություն փոխանակելով: Եթե ԱՄՆ-ն և մնացած աշխարհը մեզ հետ տեղեկություններ փոխանցեին, մենք կարող էինք ինչ -որ հարցում հաղթել ԴԱԻՇ -ին», - թերթին ասել է թալիբների առաջնորդներից մեկը:

Իր հերթին, Պակիստանի ԱԳՆ -ի խոսնակը, որի անունը չի նշվում, Washington Post-ին ասել է, որ սա ոչ պաշտոնական հաղորդակցություն է, և ոչ թե հետախուզության փոխանակման որևէ հաստատված գործընկերության մասին: Միաժամանակ պաշտոնյան հաստատել է, որ Իսլամաբադը թալիբների հետ քննարկել է ահաբեկչության դեմ պայքարում համագործակցության հարցը», - ասել է նա: