ԱԺ հանձնաժողովը հավանություն է տվել ԿԲ-ի խորհրդի անդամի թեկնածուի առաջադրմանը
ԱԺ ֆինանսավարկային և բյուջետային հարցերի մշտական հանձնաժողովը քննարկել է Կենտրոնական բանկի խորհրդի անդամի թափուր պաշտոնի համար ԱԺ «Քաղաքացիական պայմանագիր» խմբակցության կողմից ներկայացված Լևոն Սահակյանի թեկնածության և Ազգային ժողովին այդ պաշտոնում թեկնածու առաջարկելու մասին հարցը:
Լևոն Սահակյանի կենսագրական տվյալներն ու մասնագիտական հմտությունները ներկայացրել է հանձնաժողովի նախագահ Գևորգ Պապոյանը:
Նա կարևորել է Կենտրոնական բանկի խորհրդի գործունեությունը և նշել, որ կառույցին անհրաժեշտ են ինչպես գիտական, այնպես էլ գործնական փորձառնություններ ունեցող մարդիկ:
Կենտրոնական բանկի խորհրդի անդամի թեկնածուն համոզմունք է հայտնել, որ տարիների ընթացքում ձեռք բերած մասնագիտական և ակադեմիական աշխատանքային փորձը լավագույն ձևով կկարողանա օգտագործել ԿԲ խորհրդի անդամի կարգավիճակում:
Լևոն Սահակյանն անդրադարձել է համակարգի առկա իրավիճակին, խոսել ֆինանսական կայունության և գնաճի մասին:
Հանձնաժողովը դրական եզրակացություն է տվել քննարկված հարցին:
Կարծիքներ