Նոր Սահմանադրությունը պետք է լինի խաղաղությունը և խաղաղության պայմանագիրը չվտանգող. Գալյան
Նոր Սահմանադրության տեքստը պատրաստ լինելուն պես այն հրապարակվելու է, դրվելու է հանրային քննարկման, այս պահի դրությամբ դեռ պատրաստի պրոդուկտ չունենք:
Այս մասին ԱԺ-ում լրագրողների հետ զրույցում ասել է արդարադատության նախարար Սրբուհի Գալյանը՝ նշելով, որ խոսքը խաղաղությունը, խաղաղության պայմանագիրը և խաղաղությանը միտված հարաբերությունները չվտանգող Սահմանադրության մասին է:
Լրագրողների հարցին, թե այնպես պետք է աշխատել, որ Սահմանադրությունը չվտանգի՞ խաղաղության համաձայնագիրը, նախարարը պատասխանել է.
«Մեր վարքագիծը և գործելաոճը ցանկացած դեպքում պետք է կառուցենք այնպես, որ մեր երկրում հաստատվի խաղաղությունը և զարգանա անվտանգային միջավայրը»:
Գալյանը հավելել է, որ չի կարծում, թե գործող Սահմանադրությունը դրան խանգարում է և նշել, որ Սահմանադրության միակ տերը ժողովուրդն է և ժողովուրդն է ընտրելու ունենա՞լ այս կամ այն Սահմանադրությունը, թե՝ չունենալ:
Կարծիքներ