Forbes-ը հայտնում է, որ Գեյթսի ամուսնալուծությունը կարող է լինել պատմության մեջ ամենաթանկերից մեկը

Microsoft-ի հիմնադիր Բիլ Գեյթսի և նրա կնոջ՝ Մելինդայի ամուսնալուծությունը կարող է դառնալ պատմության մեջ ամենաթանկերից մեկը. նրանք ստիպված կլինեն բաժանել 130,5 միլիարդ դոլար կարողությունը։ Այս մասին հաղորդում է Forbes ամսագիրը:

Այս պահին հայտնի չէ, թե ինչպես է բաժանվելու գույքը։ Զույգը չի հայտնում պայմանագրերի մանրամասները: Ըստ TMZ ինտերնետ պորտալի՝ ամուսինները ամուսնական պայմանագիր չեն կնքել, բայց գույքի բաժանման վերաբերյալ արդեն պայմանավորվածություն են ձեռք բերել: Նման համաձայնության և ամուսնության պայմանագրի բացակայության դեպքում, Վաշինգտոն նահանգի օրենքների համաձայն, համատեղ ունեցվածքը հավասարապես բաժանվում է:

Ըստ Forbes-ի ՝ Բիլ Գեյթսը ներկայումս զբաղեցնում է չորրորդ տեղը աշխարհի ամենահարուստ մարդկանց ցուցակում ՝ մոտ 130,5 միլիարդ դոլար կարողությամբ: Bloomberg գործակալությունը ամուսինների ունեցվածքը գնահատում է 146 միլիարդ դոլար:

Ավելի վաղ Մելինդա Գեյթսը հայտարարել էր, որ ամուսնուց չի պահանջելու երեխայի համար աջակցություն: Հայտնի է նաև, որ նրանք կշարունակեն համագործակցել իրենց բարեգործական հիմնադրամի շրջանակներում, որն ամենամեծն է աշխարհում: