Գեղարքունիքի մարզում բախվել են «Ուազ»-ն ու «Վազ 21099»-ը. կա զոհ

Այսօր՝ հունիսի 26-ին,  ողբերգական ավտովթար է տեղի ունեցել Գեղարքունիքի մարզում:

Այս մասին գրում է Shamshyan.com-ը:

Ժամը 00:40 –ի սահմաններում Վարդենիս քաղաքի Չարենցի փողոցում բախվել են Վարդենիս քաղաքի բնակիչներ, 26-ամայ Արման Սերգոյանի վարած «УАЗ» մակնիշի և  37-ամյա Անտոն Հովհաննիսյանի վարած  «ВАЗ  21099»  մակնիշի ավտոմեքենաները:

Վթարի հետևանքով «ВАЗ 210 99»–ի ուղևոր, Երևանի բնակիչ, 41-ամյա Վահե Ներսիսյանը մարմնական վնասվածքներով տեղափոխվել է «Վարդենիս» բժշկական կենտրոն, իսկ ժամեր անց հիվանդանոց է դիմել Ա. Հովհաննիսյանը:

Սկզբնաղբյուրի տեղեկություններով առավոտյան ժամը 07:30-ին «Վարդենիս» բժշկական կենտրոնից ոստիկանության Վարդենիսի բաժին հայտնել են, որ ժամը 05:00 –ի սահմաններում շտապօգնության ավտմեքենայով Վ. Նեսրսիսյանը Երևանի հիվանդանոցներից մեկը տեղափոխվելու  ճանապարհին մահացել է:

Փաստի առթիվ հարուցվել է քրեական գործ և այն փոխանցվել է Հայաստսնի քննչական կոմիտեի Գեղարքունիքի մարզային քննչական վարչության Վարդենիսի քննչական բաժին: