Բեյրութում տեղի ունեցած պայթյունի հետևանքով Բելգիայի և ԳՖՀ-ի դեսպանատների աշխատակիցներ են տուժել

Բեյրութում տեղի ունեցած հզոր պայթյունի հետևանքով վիրավորվել են Գերմանիայի և Բելգիայի դեսպանատների աշխատակիցները: Այս մասին Twitter-ում հայտնել են Գերմանիայի և Բելգիայի Արտաքին գործերի նախարարությունները։

Ինչպես նշել է Բելգիայի արտգործնախարար Ֆիլիպ Հոֆենը, դիվանագիտական առաքելության երկու աշխատակիցներ և նրանց ընտանիքների անդամները վիրավորվել են ապակիների բեկորներից։ Նա նաև նշել է, որ վնասվել է դեսպանատան շենքը։

Գերմանիայի դեսպանատունը չի նշել իր տուժած աշխատակիցների թիվը։ Հրապարակման մեջ նաև ասվում է, որ Գերմանիան քննարկում է Լիբանանին օգնություն ցուցաբերելու տարբերակները։

Օգոստոսի 4-ի երեկոյան Բեյրութի նավահանգստի մոտակայքում հզոր պայթյուն է տեղի ունեցել: Երկրի ՆԳՆ հայտարարել է, որ պայթել է նավահանգստի պահեստում պահվող ամոնիակի նիտրատը: Քաղաքի շատ թաղամասեր են տուժել, քաղաքային հիվանդանոցները չեն հասցնում օգնություն ցուցաբերել բազմաթիվ տուժածներին:

Նախարարի խոսքով, պայթյունի զոհ է դարձել մոտ 70 մարդ, վիրավորվել է ավելի քան 3.5 հազար մարդ: