Վեճի ընթացքում հարված ստացած տղամարդը հիվանդանոցում ստել է, թե ընկել է ծառից. դանակահարողը հայտնաբերվել է

Նոյեմբերի 12-ին՝ ժամը 19:30-ին, Ոստիկանության օպերատիվ կառավարման կենտրոն են զանգահարել 1-ին համալսարանական հիվանդանոցից և հայտնել, որ Չայլախյան փողոցում ծառից ընկնելու հետևանքով ստացած վնասվածքներով բուժօգնության է դիմել նույն փողոցի բնակիչ 53-ամյա մի տղամարդ: 

Այս մասին հայտնում են ՆԳՆ ՀՀ ոստիկանությունից:

«Մեկնել է Համայնքային ոստիկանության Մարաշի բաժնի օպերատիվ խումբը: Պարզվել է, որ շենքի բակում տուժած տղամարդու հետ վիճաբանել է 66-ամյա հարևանը: Վեճը վերածվել է ծեծկռտուքի, և հարևանն էլ, իր մոտ եղած սուր կտրող-ծակող առարկայով, մեկ անգամ հարվածել է: 

Ահազանգից մեկ ժամ անց 66-ամյա տղամարդը հայտնաբերվել է իր բնակարանում, մարմնական վնասվածք պատճառելու հիմնավոր կասկածանքով ձերբակալվել ու տեղափոխվել բաժին:

Կազմված փաստաթղթերը փոխանցվել են քննչական բաժին: Հանգամանքները պարզվում են»,- ասվում է հաղորդագրության մեջ: