Եղիսաբեթ 2-րդը հրաժարվել է Տարվա ծեր կին կոչումից

Մեծ Բրիտանիայի Եղիսաբեթ Երկրորդ թագուհին հրաժարվել է Տարվա ծեր կին կոչումից (Oldie of the Year): Միապետին պատվավոր պարգև շնորհելու մասին նամակ է ուղարկվել հեռուստահաղորդավար և մրցանակի կոմիտեի ղեկավար Ջայլս Բրանդրեթի կողմից, գրում է Daily Mail-ը:

Պատասխան նամակում 95-ամյա Եղիսաբեթ Երկրորդի անձնական քարտուղարի օգնական Թոմ Լանգ-Բեյքերը ճշտել է, որ թագուհին վստահ չէ, որ համապատասխանում է մրցանակի չափանիշներին:

«Նորին Մեծությունը համոզված է, որ մարդը ծեր է այնքան, որքանով իրեն զգում է, և այդ պատճառով թագուհին չի կարծում, որ այն համապատասխանում է մրցանակի ստացման համար անհրաժեշտ չափանիշներին, և հուսով է, որ դուք կկարողանաք գտնել ավելի արժանի ստացողի»,- գրել է Լանգ-Բեյքերը:

Նշվում է, որ The Old Magazine ամսագիրը գրեթե 30 տարի անցկացնում է The Oldie of the Year, մրցանակի հանձնման արարողությունը, որպեսզի նշի նրանց ձեռքբերումները, ովքեր հատուկ ներդրում են ունեցել հասարակական կյանքում:

Անցյալ տարի մրցանակի դափնեկիր է դարձել 88-ամյա դերասանուհի և երգչուհի Պետուլա Քլարկը:

Այս տարի մրցանակը ստացել են հեռուստահաղորդավարուհի և խոհարար Դելիա Սմիթը, դերասաններ Բարրի Համֆրիսը և Բոբ Հարիսը, դոկտոր Սարոջ Դաթան, ֆուտբոլիստ և մարզիչ Ջեֆրի Հերսթը, բանաստեղծ և դրամատուրգ Ռոջեր Մաքգոֆը և այլք: