Բաղանիս գյուղի մոտակա անտառում հետախուզվող է հայտնաբերվել

2021 թվականի նոյեմբերի 3-ից հետախուզման մեջ գտնվող Վանաձոր քաղաքի բնակիչ, 24-ամյա երիտասարդը հայտնաբերվել է:

Այս մասին տեղեկացնում է ՀՀ ոստիկանությունը:

Տղամարդը մեղադրվում է գողություններ, նաև` սուտ մատնություն կատարելու մեջ:

Ոստիկանության Վանաձոր քաղաքի Բազումի բաժնի ծառայողները, համագործակցելով Նոյեմբերյանի գործընկերների հետ, հուլիսի 8-ին նրան հայտնաբերել են Տավուշի մարզի Բաղանիս գյուղի մոտակա անտառում, բերել բաժին ու ներկայացրել վարույթն իրականացնող մարմնին:

Հաղորդագրության համաձայն, 2019 թվականի աշնանը, մեկ այլ անձի հետ, նա մուտք էր գործել պոլիտեխնիկական համալսարանի Վանաձորի մասնաճյուղին պատկանող տնակ ու գողություն արել:

2020 թվականի օգոստոսին, երբ բնակվել է Արմավիրի մարզի Նորապատ գյուղում, առանձնատան տանիքից մտել է  կից տուն ու գողություն արել:

Անցած տարվա ամռանն էլ վանաձորցի 24-ամյա երիտասարդը բարձրացել է Վանաձորի Վարդանանց փողոցի մի տան տանիք, լինգով բացել պատուհանն ու փող գողացել: