ԱՄՆ տնտեսությունը կվերականգնվի ավելի դանդաղ, քան սպասվում էր

ԱՄՆ տնտեսությունը կվերականգնվի ավելի դանդաղ, քան նախկինում սպասվում էր, քանի որ կորոնավիրուսի երկրորդ ալիքը կարող է խորացնել արդեն իսկ հասցված վնասը, ասել են Դաշնային պահուստային բանկի (FRS) ղեկավարության անդամները, հայտնում է Reuters-ը:

FRS-ի պաշտոնյաները վերջին օրերին հոռետեսական կանխատեսումներ են ներկայացրել՝ նախազգուշացնելով, որ տնտեսական տվյալների վերջին բարելավումները, այդ թվում՝ աշխատաշուկայի տվյալները, կարող են կարճաժամկետ լինել:

«Համավարակը շարունակում է հիմնական գործոն մնալ տնտեսության համար: Մեզ շարունակում է պատել անորոշության խիտ մառախուղը»,- ասել է FRS-ի կառավարիչների խորհրդի անդամ Լիլ Բրեյնարդը Բիզնեսի տնտեսության ազգային ասոցիացիայի (NABE) կողմից կազմակերպված առցանց միջոցառման ժամանակ:

Նա ԱՄՆ կենտրոնական բանկին կոչ է արել երկարատեւ խթաններ տրամադրելու խոստումներ տալ՝ կանխատեսման դրույքաչափերի եւ ակտիվների գնման մասշտաբային ծրագրերի միջոցով:

Իր հերթին, Ռիչմոնդի Դաշնային պահուստային համակարգի ղեկավար Թոմաս Բարկինը երեքշաբթի ասել էր, որ ԱՄՆ-ում գործազրկությունը կարող է կրկին աճել: Դա կարող է տեղի ունենալ, քանի որ ընկերությունները պատրաստվում են ավելի տեւական անկման, քան սպասվում էր, եւ՝ այնպիսի նախաձեռնությունների ժամկետի ավարտի պատճառով, ինչպիսին է կառավարական Paycheck Protection Program-ը (PPP)։

«Շատ խոշոր եւ ոչ մեծ ընկերություններ հասկանում են, որ սա մի քանի ամսվա խնդիր չէ, եւ վերակառուցում են իրենց բիզնեսը»,- ասել է Բարկինը Շառլոտում Ռոտարի- ակումբի հանդիպման առցանց հեռարձակման ժամանակ։

FRS-ի՝ Դալլասի նախագահ Ռոբերտ Կապլանը CNBC-ին տված հարցազրույցում նշել է տնտեսության մեջ ավելորդ կարողությունների առկայությունը՝ դա «ապագնաճային» գործոն անվանելով:

Իսկ FRS-ի՝ Ֆիլադելֆիայի ղեկավար Պատրիկ Հարքերը Դաշնային ռեզերվի կողմից կազմակերպված վեբինարի ժամանակ ասել է, որ կորոնավիրուսի դեպքերի քանակի ավելացումը կարող է վնաս հասցնել տնտեսությանը եւ սպառողների վստահությանը: