Ադրբեջանական լրատվամիջոցները Ռուբեն Վարդանյանի նոր լուսանկարն են հրապարակել

Բաքվի ռազմական դատարանում շարունակվում է ԼՂ նախկին պետնախարար, գործարար և բարերար Ռուբեն Վարդանյանի նկատմամբ շինծու մեղադրանքներով դատավարությունը:

Ադրբեջանական լրատվամիջոցները Ռուբեն Վարդանյանի նոր լուսանկարն են հրապարակել, որում ակնհայտ նկատելի է նրա չափազանց հյուծված վիճակը:

Այս դատաքննության ընթացքում խոսք է տրամադրվելու հորինված վկաներին, նրանք ցուցմունքներ են տալու, որոնք, իբր, հավաստելու են Ռուբեն Վարդանյանի մեղավորությունը:

Ավելի վաղ հայտնել էինք, որ փետրվարի 26-ին Բաքվում ընթացած շինծու դատական նիստի ժամանակ Ռուբեն Վարդանյանի ինքնազգացողությունը վատացել էր: 

Հիշեցնենք՝ ի նշան կեղծ «դատավարության» դեմ բողոքի՝ Ռուբեն Վարդանյանը փետրվարի 19-ից հացադուլ է հայտարարել:

Ադրբեջանը, հիշեցնենք,  Վարդանյանին մեղադրում է «խոշտանգումների», «շահադիտական գործունեության», «պատերազմի օրենքների խախտման», «ահաբեկչության», «ահաբեկչության ֆինանսավորման» և Ադրբեջանի Քրեական օրենսգրքի այլ հոդվածներով:

Ռուբեն Վարդանյանի նկատմամբ շինծու քրեական գործն անջատվել է ԼՂ ռազմաքաղաքական ղեկավարության և քաղաքացիական անձանց ընդհանրական գործից, դատաքննությունն անցկացվում է առանձին։ 

Թե՛ Ռուբեն Վարդանյանի, թե՛ մյուս մեղադրյալների գործով դատական առաջին նիստն անցկացվել է հունվարի 17-ին։