Իսրայելը ՀԱՄԱՍ-ին առաջարկել է պատանդների ազատ արձակման երկփուլ ծրագիր. ԶԼՄ

Իսրայելը եգիպտական ​​միջնորդների միջոցով պաղեստինյան ՀԱՄԱՍ շարժմանն է ներկայացրել է Գազայի հատվածից պատանդներին ազատ արձակելու երկփուլ ծրագիր, հայտնում է «Սինհուա» գործակալությունը՝ հղում անելով եգիպտական ​​անանուն աղբյուրներին։

«Իսրայելը եգիպտական ​​միջնորդների միջոցով ՀԱՄԱՍ շարժմանն առաջարկել է Գազայում պահվող պատանդներին ազատելու երկփուլ ծրագիր»,- նշվում է հոդվածում, որը վկայակոչում է եգիպտական ​​«քաջատեղյակ» աղբյուրների։

Գործակալության տվյալով՝ Իսրայելի պլանը ենթադրում է, որ առաջին փուլում ՀԱՄԱՍ-ն ազատ կարձակի 11 պատանդի և կփոխանցի 16 զոհի մարմինները, ինչից հետո կհաստատվի 40-օրյա հրադադար:

«Ավելի ուշ՝ երկրորդ փուլի ընթացքում, ՀԱՄԱՍ-ը պետք է ազատ արձակի մնացած բոլոր պատանդներին»,- հավելել է գործակալությունը:

Աղբյուրի խոսքով՝ Իսրայելի առաջարկը հավանության է արժանացել ԱՄՆ-ի կողմից:

Հիշեցնենք՝ երեքշաբթի գիշերը Իսրայելի պաշտպանության բանակը վերսկսել է հարվածները Գազայի հատվածին։

Իսրայելի վարչապետ Բենիամին Նեթանյահուն պնդում է, որ հարձակումները շարունակվել են, քանի որ ՀԱՄԱՍ-ը հրաժարվել է ընդունել հրադադարը երկարաձգելու և պատանդներին ազատելու ամերիկյան ծրագիրը։

Պաղեստինյան Al-Aqsa հեռուստաալիքը հայտնում է, որ ՀԱՄԱՍ-ի քաղբյուրոյի անդամ Սալահ ալ-Բարդավիլը և նրա կինը սպանվել են շաբաթ Գազայի հատվածին իսրայելական հարձակման հետևանքով:

«ՀԱՄԱՍ-ի քաղբյուրոյի անդամ Սալահ ալ-Բարդավիլը և նրա կինը զոհվել են Խան Յունիսի արևմուտքում Իսրայելի ռմբակոծության հետևանքով»,- հայտնում է հեռուստաալիքը։