Ռոման հաղթեց Սոֆիայի ԲԿՄԱ-ին և խմբում առաջին տեղը գրավեց

ՈՒԵՖԱ Կոնֆերենցիաների լիգայի խմբային փուլի վերջին տուրում «Ռոման» հյուրընկալվելիս մրցել է բուլղարական ԲԿՄԱ-ի հետ և 3-2 հաշվով հաղթանակ է տարել։;

«Ռոմայի» կազմում դուբլի հեղինակ է դարձել Թեմի Աբրահամը, ևս մեկ գոլ իր ակտիվում գրանցել է Բորխա Մայորալը։ Երկրորդ կեսի միջնամասում տանտերեիրի բոսնիացի հարձակվող Համզա Չատակովիչը գրավել է հռոմեացիների դարպասն ու մեկ գնդակ ետ բերել։ Եվս մեկ գոլ բուլղարական թիմի ֆուտբոլիստները հեղինակել են հիմնական ժամանակին ավելացված 3-րդ րոպեին, գրում է armsport.am-ը։

Հայաստանի ազգային հավաքականի կիսապաշտպան Հենրիխ Մխիթարյանը թիմի հետ չէր մեկնել Սոֆիա, քանի որ «Ռոմայի» գլխավոր մարզիչ Ժոզե Մոուրինյուն որոշել էր նրան հանգստի հնարավորություն տալ։

Այս հաղթանակի շնորհիվ «Ռոման» բարձրացել է C խմբի մրցաշարային աղյուսակի առաջին հորիզոնականը՝ վաստակելով 13 միավոր և դուրս է եկել Կոնֆերենցիաների լիգայի 1/8 եզրափակիչ։ Խմբում երկրորդ տեղը զբաղեցրել է նորվեգական «Բոդոն» (11 միավոր)՝ ոչ-ոքի խաղալով Լուգանսկի «Զարյայի» հետ։ «Բոդոն» պայքարը կշարունակի Կոնֆերենցիաների լիգայի 1/16 եզրափակչում։