Grand Swiss. Արոնյանն ու Հովհաննիսյանը կիսեցին միավորը

Ռիգայում շարունակվում են շախմատի Grand Swiss տղամարդկանց և կանանց մրցաշարերը: Երեկ կայացել են չորրորդ տուրի պարտիաները, հայտնում է armsport.am-ը։ 

Կանանց մրցաշարում շարունակում է անկայուն խաղերի շարքը: Հերթական պարտությունը կրեց Էլինա Դանիելյանը՝ մնալով 1.5 միավորով: Այս տուրում ոչ-ոքի խաղաց ու միավորների քանակը 2.5-ի հասցրեց Աննա Սարգսյանը:

Տղամարդկանց շրջանում հայկական դերբի կայացավ. Լևոն Արոնյանը ոչ-ոքի խաղաց Ռոբերտ Հովհաննիսյանի հետ: Վերջինս ունի 3, իսկ Արոնյանը՝ 2.5 միավոր: Հաղթեց ու առաջատարների թվին դասվեց Մանուէլ Պետրոսյանը՝ 3 միավորով: Պարտություններ կրեցին Սամվել Տեր-Սահակյանը (1.5), Հայկ Մարտիրոսյանն (1) ու Սերգեյ Մովսեսյանը 1.5): Ոչ-ոքի խաղաց Գաբրիել Սարգսյանը 2.5):

Միանձնյա առաջատարը 3.5 միավորով Ալիրեզա Ֆիրուջան է: