Լեհ զինվորականները թույլ չեն տվել բելառուս միգրանտներին ճեղքել սահմանը

Լեհաստանում զինվորականները կանխել են Բելառուսի տարածքից մի խումբ անօրինական միգրանտների սահմանի անցումը։ Ինչպես տեղեկացնում է «Արմենպրես»-ը՝ վկայակոչելով «Lenta.ru»-ին, այդ մասին նշված է երկրի սահմանապահ ծառայության մամլո հաղորդագրության մեջ։

Ծառայության տվյալներով՝ սահմանապահները ստիպված են եղել ջրցան մեքենաներ կիրառել՝ կանխելու բելառուս միգրանտների խմբի մուտքը Լեհաստան։ Միջադեպը տեղի է ունեցել այն վայրում, որը հսկում է Դուբիչե-Ցերկեվնայի դիրքը։ Ընդհանուր առմամբ, 40 մարդ փորձել է անցնել, նրանք ագրեսիվ են եղել։ Նշվում է, որ քաղաքացիներից մեկը դանակ է վերցրել, իսկ մնացածը քարեր են նետել, ինչից հետո որոշվել է ջրցան մեքենաներ ուղարկել սահման։

Ավելի վաղ ՀՕՊ-ի թանգարանի տնօրեն, պաշտոնաթող գնդապետ Յուրի Կնուտովը հայտարարել էր, որ Բելառուսի հետ սահմանին Լեհաստանի գործողությունները լարվածություն են ստեղծում տարածաշրջանում և սպառնում Բելառուսի կայունությանը։