Այսօր Հրազդանի անմահ հերոսներից մեկի՝ Արտակ Ռաֆայելյանի ծննդյան օրն է
Այսօր Հրազդանի անմահ հերոսներից մեկի՝ Արտակ Ռաֆայելյանի ծննդյան օրն է։ Արտակն ընկավ թշնամու գնդակից՝ սահմանին` խրամատում․․․։ Դժվար է առանց էմոցիայի խոսել կամ պատմել բարի հսկա Արտակի մասին, ում նաև բախտ եմ ունեցել դասավանդելու։ Մեծ սրտի ու մեծ հոգու տեր մարդ, ում բոլոր երազանքներն ու հույսերը կապված էին ընտանիքի, հայրենիքի ու ծննդավայրի հետ։ Գինեսի ռեկորդակիր հսկան, սակայն, այլ առաքելություն ուներ այս կյանքում․․․
Մեկ տարի առաջ՝ Հրազդանի 13 ա/դ-ում նախաձեռնեցի և իրականություն դարձրի Արտակի անունով դասարանի անվանակոչման կարևոր հանձնառությունը, ինչին դրական արձագանքեց տնօրեն տիկին Ս․Մարկոսյանը, մանկավարժական կոլլեկտիվը:
Այսօր նրա անունը կկրի նաև մեկ այլ կարևոր սպորտային ՀՈԱԿ, որտեղ Արտակն իր առաջին քայլերն է կատարել սպորտում՝ նվաճելով Գինեսի գրքում իր բաժին տեղը։
Շնորհավորում եմ, Արտակ ջան, խոնարհվում եմ հիշատակիդ առաջ, ծնողներիդ առաջ, քո փառքի ու անմահության առաջ․․․
Նրանք ողջ են, քանի դեռ հիշում ենք, հիշատակում ենք ու գնահատում։
․․․ Արտակի դիմանկարը վրձնեց Հրազդանում բոլորին հայտնի արվեստագետ-դիմանկարիչ Վահրամ Մելիքսեթյանը, ով նկարը նվիրեց դպրոցին ։
Կարծիքներ